Slysavarnafélagið Landsbjörg velur Maintx

Mynd fengin af vefsíðu Landsbjargar

Við erum mjög ánægð að kynna að Slysavarnafélagið Landsbjörg, hefur valið að innleiða Maintx viðhaldsstjórnunarkerfið. Til að byrja með er áherslan á viðhald tækja vegna sjóbjörgunar en stefnt er að því að nota hugbúnaðinn fyrir öll tæki félagsins þegar fram líður.

"Björgunarbátum sveitanna má skipta í þrjá meginflokka

Slöngubátar, en um það bil 95 slíkir eru í eigu björgunarsveitanna. Þetta eru uppblásnir bátar, flestir tæplega 5 metra langir með 30-40 hestafla utanborðsvélum, en ganghraði þeirra er um 20-30 sjómílur á klukkustund og í áhöfn eru yfirleitt 2-3 menn.

Harðbotna slöngubátar, en þeir eru 25 talsins með góða dreifingu umhverfis landið. Þeir eru á stærðarbilinu frá 5,5 og upp í 9 metra langir, ýmist með utanborðsvélum eða föstum dieselvélum. Nokkrir þeirra eru með litlu stýrishúsi en flestir eru alveg opnir en með stjórnpúlti og hnakk fyrir áhöfnina sem er yfirleitt 3-4 menn. Ganghraði þessara báta er yfirleitt nálægt 30 sjómílum.

Björgunarskip, eru fjórtán talsins og eru þar sem slysahætta er talin mest vegna sjósóknar. Sérstakir sjóðir sjá um rekstur þeirra, samvinnuverkefni félagseininga á stöðunum, en Björgunarbátasjóður greiðir laun vélstjóra og meiriháttar viðgerðir. Flestir þessara báta voru fengnir frá systurfélögum okkar í Evrópu en þar fer fram mikil þróun í gerð og búnaði slíkra báta. Þessir bátar eru frá 15 og upp í 25 metra langir og allt að 85 tonn. Ganghraði bátanna er frá 12 og upp í 30 sjómílur og í áhöfn eru frá 4 og upp í 8 menn.

Um Landsbjörg

Björgunarsveitir landsins eru allar aðilar að Slysavarnafélaginu Landsbjörg, en þær eru um 100 talsins og dreifðar um allt land. Björgunarsveitir leggja metnað sinn í að hafa góðan tækjabúnað og vel þjálfaðan mannskap. Um 4000 manns eru á vaktinni allt árið, allan sólarhringinn og eru að jafnaði um 1200 útköll á ári.

Björgunarsveitirnar starfa samkvæmt lögum um björgunarsveitir og björgunarmenn frá 1. júlí 2003, en þær skipa stórt hlutverk í hjálparliði almannavarna og er ætlað að sinna björgunarstörfum, fyrstu hjálp, verndun og gæslu." (Heimild vefsíða Landsbjargar)

Maintx er öflug hugbúnaðarlausn til þess að annast stjórnun á viðhaldi á öllum eignum fyrirtækja/stofnana, sem þarfnast þess að viðhald þeirra sé fyrirfram ákveðið og framkvæmt á réttum tíma.

Hafðu samband og fáðu kynningu á Maintx án kostnaðar eða skuldbindingar af þinni hálfu:

Bóka kynningu