Til fróðleiks fyrir áhugasama um Maintx viðhaldsstjórnunarkerfið höfum við tekið saman 2 smábæklinga á íslensku og ensku,  þar sem dregnar eru saman í stuttu máli upplýsingar um hlutverk kerfisins, meginþætti þess, dæmi um viðskiptavini og  ávinning við að nota það.

Þetta er þægileg aðferð til þess að byrja að fá yfirsýn um hvernig Maintx viðhaldskerfið getur komið að notum í þínu fyrirtæki.

Bæklingur á íslensku
Brochure in English

Ýmis fyrirtæki reyna að stýra viðhaldi eigna sinna með töflureiknum (t.d. Excel). Þrátt fyrir gríðarlegt notagildi töflureikna eru ýmsar ástæður fyrir því að ekki er unnt að nota þá í stað viðhaldsstjórnunarkerfa. Ein af þeim er t.d. eftirfarandi:

Segjum sem svo að þú sért með 25 tæki (eignir) og 2 starfsmenn sem sinna viðhaldi. Að stýra viðhaldinu á þessum eignum með tilliti til áætlanagerðar og framkvæmdar verður mjög fljótt yfirþyrmandi.

Gefum okkur að það séu 4 verk á hvert tæki á mánuði, sem þá eru alls 100 verk sem þarf að sinna, sem bætast á viðhaldáætlun eignanna. Þetta þýðir að bæta þarf 100 verkum á verkáætlun, skrá þarf vinnustundir á 100 verk  og skrá þarf kostnað á 100 verk. 

Þetta þýðir jafnframt að samræma þarf 25 verkáætlanir til þess að tryggja að gerð sé grein fyrir öllum vinnustundum og senda þarf 100 upplýsingar til bókhaldsdeildar til að færa kostnaðinn til bókar.